** MUHABBAT CHUP NAHI REHTI ***

[कशिश]

** MUHABBAT CHUP NAHI REHTI ***


Vo Mujh Se Poochti Hay, Chaand Ki Basti Kahan Par Hay?
Main Uss Ki Baat Par Iss Ehad Mein Hairaan Hota Hoon

Vo Mujh Se Poochti Hay, Kon Suraj Mein Sulagta Hay?
Vo Mujh Se Poochti Hay Aur Dil Ko Thaam Leti Hay

Vo Mujh Se Poochti Hay Rooh Ki Larzish k Barey Mein
Main Kehta Hoon, k Yeh To BeyQarari Raqs Karti Hay

Vo Mujh Se Poochti Hay, Almiya Kya Cheez Hoti Hay?
Main Kehta Hoon, Muhabbat Aur Nafrat,Zindagi Aur Maut Hay Shayed

Vo Boli, Sawanoo Mein Ab Vo Pehly Rang Kam Kam Hain
Main Bola, Ab Piya b To Sakhi k Sang Kam Kam Hain

Vo Boli, Nain Kuch Kehty Hue Aksar Jijhaktey Hain
Main Bola, Dil Mein Baithey Chor Ko Rasta Nahi Milta

Vo Kehti Hay, k Jhaanjhar Ab Tumhein Mayel Nahi Karti
Main Kehta Hoon, Tumhein Ab Zindagi Qayel Nahi Karti

Vo Kehti Hay, k Peely Phool b Khushboo Nahi Detey
Main Kehta Hoon, Judaii Thik Se Chubhtii Nahi Dil Mein

Vo Kehti Hay, Muhabbat Haadison Ko Khainch Lati Hay
Main Kehta Hoon, Muhabbat Mojizon Ko Shakal Deti Hain

Vo Kehti Hay, Hawayein Pairr Se Manoos Hoti Hain
Main Kehta Hoon, k In k Darmiyan Rishta Purana Hay...!!!