Kalyugi Karvachauth

[kumudkhair]

karwa chauth

bholee bahoo se kahatee hai saas
tum se bandhee hai beTe kee saans
vrat karo subah se shaam tak
paanee ka bhee na lo naam tak

jo nahee hai isase sahamat
kahatee hai aur ise sah mat

karava chauth ka jo guNagaan kare
kuchh isakee mahima to bakhaan kare
kuchh hamaare savaalaat hai
unaka to samaadhaan kare

DOCTOR kahe
DIETICIAN kahe
tarah tarah ke
salaahakaar kahe
svasth jeevan ke lie
tandarust tan ke lie
paanee piyo, paanee piyo
roj 10 GLASS paanee piyo

ye kaisa atyaachaar hai?
paanee peene se inkaar hai!
kiya jo agar jal grahaN
lag jaega pati ko grahaN?
paanee agar jo pee liya
pati ko hoga peeliya?
galatee se agar paanee piya
khatare se ghir jaenga piya?
gale ke neeche utar gaya jo jal
pati ka kaarobaar jaenga jal?

ye vakt naya
jamaana naya
vo jamaana
gujar gaya
jab ham-tum anajaan the
aur chaand-sooraj bhagavaan the

ye vyarth ke chaunchale
hai ruDhiyo ke ghonsale
ek din Dhah jaenge
vakt ke saath bah jaenge
sindoor-mangalasootr ke saath
ye bhee kahee kho jaenge

aadhee samasya tab hal huee
jab parda pratha khatm huee
ab prathao se parda uThaenge
milakar ham aavaaj uThaenge

karava chauth ka jo guNagaan kare
kuchh isakee mahima to bakhaan kare
kuchh hamaare savaalaat hai
unaka to samaadhaan kare